Crisi de Crimeja
|
Quest articol chì l'è scrivud in lombard, con la Noeuva Ortografia Lombarda |
La Crisi de Crimeja a l'è s'ciopada el 23 de fevrer del 2014 in Crimeja, penisola ucraina a magioranza russa, quand che i rebellot in del Pajes hann menad el Viktor Janukovyč, president filoruss, a vesser tolt via del so roeull, cont una mossa che i autorità de la Republega Autonoma de Crimeja hann retegnud illegala, e l'è fornida el 20 de marz, quand che la Russia l'ha anetud la Crimeja 'me republega, dopo havélla ocupada.
El 11 de marz el Consili Suprem de la Crimeja e quell de Sevastopol hann deciarad l'independenza per sgiontàss in Russia e 'l 16 de marz la scerna l'è confermada in d'un referendum. El 17 de marz el Consili Suprem el fa suplega ofizziala e 'l 20 de marz el Parlament russ l'amet i noeuv soget federai.
La Crisi l'ha menad poeu la Russia a intervegnì in la guerra del Donbass, indova che inn vegnude foeure i Republeghe Popoar de Doneck e Lugansk.