Crisi russo-ucraina del 2021-2022

Lombard Quest articol chì l'è scrivud in lombard, con la Noeuva Ortografia Lombarda

La Crisi russo-ucraina del 2021-2022 l'ha vist la Russia meter soldad in di milla a la soa frontera con l'Ucraina e in la Crimeja a marz del 2021 e l'è deventada poeu 'na crisi de interess internazzional, con i imagin del satellit che fann vidé una Russia che la moeuv trupe, blindad e missil in sul confin, con la tema de 'n invasion, vist che l'era el sposament el pussee gross de l'annession de la Crimea de la Federazzion Russa del 2014.

In sgiald l'Ucraina e in roeusa i territori ministrad, sostegnud o ocupad de la Russia

In la fin del 2021 la crisi la se renoeuva, con l'Armada russa che la moeuv circa 100'000 soldad in sul confin per di esercitazzion e 'l Putin gh'ha domandad varie garanzie a la NATO, tant 'me la conferma che l'Ucraina la entrarà mai in la lianza e la garanzia che la NATO la defendarà no l'Europa oriental cont i armi nuclear. I Stat Unid disen de no e menascen di sanzion "svelte e grame" se la ghe fuss stada 'n invasion.

El 21 de fevrer la Russia la nonzia, in del pich di tension, de recognosser i republeghe separatiste vegnude foeura de la guerra del Donbass, in d'una mossa considerada un retiràss di protocoll de Minsk, vist che la Russia l'ha poeu scominciad una mission de pas in del territori, a mandà i so trupe, roba che l'ha menad vari Pajes del mond a sanzionàlla.

La nocc del 24 de fever el Putin l'ha nonziad 'n operazzion militar special per "demilitarizà" e "denazifegà" l'Ucraina e la scomincia 'n invasion russa.

Riferiment Modifega

Alter proget Modifega

Vos corelade Modifega