Crusnall

Quel articul chì l'è scrivüü in Lumbard, cun l'urtugrafia insübrica ünificada.

Crusnall (Crusinallo in Italian), cunt i söi 4000 parsunn, l'è la frazión cun püssee gent dal cümun d'Umegna (int a la Pruvincia del Verban-Cüsi-Ossula). Crusnall l'eva ün cümun indipendent fin al 1928. Al paes l'è int a la part setentriunal dal cümun d'Umegna e l'è al cunfin cunt i cümugn da Casal, Gravaluna e Germagn. I söi cunfign natürai hin: a nord al rial da San Martin; a est e a süd la Struna; a ovest i busch da la Cola.

Manifestaziugn

A gh'hin mia tanti manifestaziugn a Crusnall ma i püssee tradiziunai scandissan la vita civil e religiusa dal paes.

• Genar: Festa patronal da San Gaudenzi (al dì 22) cun funziugn religius, incant di ufert, gara d'la verza. Festa di Suor Salesiane, S.Giovanni Bosco (al dì 31).
• Febrar: Carneval da Crusnal al Martis grass.
• Masg: Festa al riun da Santa Rita.
• Giügn: Festa all'Uratori da San Lüis.
• Lüj: Manifestaziugn cültürai e ricreatiiv in'tal Caravanserraglio da Umegna; chi Crusnall l'è present cum quarter al Palio di Riugn.
• Agust: Festa da San Ferm cun la Trippa.
• Sitembar: "Marcia e Mangia" par i sintè da Crusnall.
• Utubar: Castagnà all'Asilo (urganizzaa dal G.E.C.) e all'Uratori.
• Nuvembar: Festa di Suorinn da San Carlo Borromeo (al dì 4).