Crox de Malta (mecanism)

Quell articol qì l'è scrivud in Lombard, cond l'ortografia Scriver Lombard.

La crox de Malta o crox de Jinevra l'è un mecanism qe 'l trasforma un mot rotatore continuad ind un mot rotatore intermitent.

Animazion de una crox de Malta

Ol nom

Ol nom crox de Malta al vegn de la sœmeanza de la rœda conduxida col stema de l'orden dei Cavaller de Malta, inscambe crox de Jinevra al vegn del fait qe una dei prime aplicazion l'era ind i leroi: la Svizzera e Jinevra i è anc'mò dei center importants per la produzion.

Descrizion

Ol mecanism l'è costituid de do rœde: qella motrix la porta un spadolin qe al va dent ind una fessura de la rœda conduxida (crox) e la fa indar inants de vun pass. I fessure ind la rœda conduxida i è simetrige e de solet con dei ass linear direits in sens radial.
La rœda motrix la g'ha d'ordinare un corp massess per stabilizar la rotazion (volan) e l'è solidal a un circol in riliev in frizion radenta con la rœda conduxida per tegner-la in posizion intra i singoi pass.
Ol mecanism l'è sojet a diverse frizion e al g'ha de vesser vonciada ben, donca l'è de spess serrad a bagn d'œle ind un contenidor de stagn.
Ind i cas plu comun, la rœda conduxida la g'ha quater fessure e per ogne rotazion de la rœda motrix la va inants de 90° (360/4 = 90). Se la rœda conduxida la g'ha n fessure, la va inants de 360/n° per ogne rotazion completa de la rœda motrix.