Ginevra

Quel articul chì l'è scrivüü in Lumbard, cun l'urtugrafia insübrica ünificada.

Ginevra (Genève in frances, Genf in tudesch, Ginevra in italian e Genevra in rumanc; Geneva in arpitan e ingles; Ginebra in spagnö; Genava in latin), a l'è una cità de l'ovest de la Svizera, la capital del cantun svizer de Ginevra e'l center de la part francofuna de la Svizera (a l'è püssee giüst dì francupruvenzal). La gh'ha 184.758 abitant (2003), 645.000 in de l'area metrupulitana, e l'è la segunda cità del paes, dopu de Zürich. El 43,4% de la pupulaziun a l'è d'urigin furesta.
La cità la se tröa in del süd-ovest del lach Leman, in sü i dò riv del Rodan, in d'una valada sarada cunt inturna i muntagn.

Pusiziun de Ginevra in de la mapa del Cantun Ginevra

El Palaz di Naziun, la sede de l'ONU in Europa

Jet d'Eau de Ginevra (futugrafia del Michel Bobillier).

Etimulugia

El nom Ginevra a l'è de urigin celtega: Genava. Anca se'l nom "Genava" al se tröa in di test latin, el nom a l'è celtegh. In francupruvenzal al se dis propi Geneva.

La cità a l'è la sede de urganizaziun internaziunaj cume la Crus Russa, l'istitüt de ricerca CERN, i Naziun Ünii (sede segundaria) e una quaj sua agenzia (Urganizaziun Mundiala de la Salüt (OMS), Üniun Internaziunala di Telecumünicaziun (UIT), Urganizaziun Metereulogica Mundiala (OMM), e alter).

El simbul püssee cugnussüü de la cità a l'è el Jet d'Eau, un racc d'aqua de 140 meter d'alteza.

Ligam de föra

• Sit ufizial