Cumulus humilis

Quest articol chì l'è scrivuu in lombard, grafia milanesa.

El cumulus humilis a l’è ona sòrt de nivola che l’è denter in del gener di dei Cumuli. La gh’à di contorni nètt e ona coloridura bianca o alpù grisastra, ona base spiattarada puissée scura, la stà in di strat de bass de l’atmosfera, e l’è pòch sviluppada su in vertical.

On grupp de Cumulus humilis

Caratteristich

La se forma sorattutt in del cors di giornàd cald de l’estàa dòpo on fòrt riscaldament del soeul, che ‘l fa levà su di mass de aria calda. In del cors de la salida la temperadura la va giò a la svèlta (10 °C ogni 1000m, ciamàa gradient tèrmico vertical adiabàtegh sècch) e la raggiòng la saturazion del vapor che ‘l  gh’è denter a quòt molto bass (500-1 000m, rarament pussée). El spessor  el po’ andà  de ‘na quaj desèna a ‘na quaj centèna de meter. per via de la scarsa instabilità, che la favorìss nò el sollevàss de bon de l’aria.

De sòlit nassen in del cors de la matina e del podisnà, e se mangen foeura in di or de la sera senza la produzion de precipitazion; per quèlla resón hinn ciàma despèss "cumul del bèll temp". Qualora i condizion di temperadura, umidità e stabilità dell'aria sìen favorevol pòden diventà di cumulus mediocris, poeu di cumulus congestus e a la fin di cumulonemb.

Varietà

Compagn di tutt i sòrt de cùmul, anca i humilis, di vòlt, pòden presentàss ind ona ùnega varietàa, ciamada radiatus. Hinn cumul dispòst  a fa su di fàss, che per via de l’effètt prospèttich el par che tenden a unìss vèrs on pont de l’orizzont.  

Galleria d'immagin

• 
  Un cumulus humilis assèe bass e visìn
• 
  Cumulus humilis vedùu de sora
• 
  Se el Sol l’inlumina el lato al contrari rispètt a l’osservator paren de color scur scur.
• 
  Cumulus humilis radiatus
• 
  Cumulus humilis (de bass) e cirrostrati

Bibliografia

• (1975) International Cloud Atlas (in inglés). Secretariat of the World Meteorological Organization. ISBN 92-63-10407-7. 

Voci correla

• Nivola