Curcc

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

Curcc (Curcio) l'è ona frazion del comun lecches de Colegh.
El paes el se troeuva a est del centro comunal.
A Curcc a gh'è ona font d'aqua naturala bella importanta. El vegg center rural de Curcc l'è ancamò ben conservaa, e poeudom trovà ancamò adess el lavatoi che l'era drovaa in del passaa. Curcc l'è staa menzonaa per la prima voeulta in del 1585, in su 'na lastra che l'è ancamò taccada a la fontana del lavatoi. Giamò al temp i patron del paes a eren i Sant Angioi Custod: a bon cunt, la parocchia de Curcc l'è stada l'itessa de Colegh e de Villadegh fina al 1914. La gesa de la noeuva parocchia l'è stada scominciada in del 1934 e fenida in del 1957.

El dialett de Curcc

Segond i dati de l'AIS, el dialett de Curcc l'è pussee conservativ de quell de Colegh, che inscambi l'è staa pussee influenzaa de la koinè milanesa. In definitiva, la parlada de Curcc la se vesina (o vesinava) pussee ai modell del ciavennasch rustegh, soratutt per quell che 'l reguarda la prononzia di paroll.
Chì de sotta, on quai esempi:

Lombard	Milan	Colegh	Curcc
can	[kãː]	[kaŋ]	[tɕɛŋ]
fontana	[fun'tana]	[fun'tana]	[fun'tɛːna]
formiga	[fur'miːga]	[fur'miːga]	[fur'miːdʑa]
giazz	[dʒas]	[dʒats]	[dʒɛʃ]
piovuu	[pju'vyː]	[pju'vyː]	[pjo'vyːt]

Referiment

Navig AIS, pont numer 224