DNA Computing
El DNA Computing l'è quell tocch de l'informatega che 'l studia l'hardware fondaa in sul DNA 'me mezz de resoluzion di cunt, inscambi del silicio.
L'è anmò ona tecnologia sperimentala: I primm esperiment hinn staa faa in California in del 1994 dal Leonard Adleman, e da quell ann hinn nassuu anca di macchin del Turing a DNA sperimentai.
Storia Modifega
Dopo de la soa invenzion l'ideja l'era de doperàll per resolv di problema probabilistegh, ma l'era minga inscì bon, e i progettista s'hinn domandaa la soa killer application.
In del 2004 a l'è progettaa on computer a DNA che 'l podeva descrovì el cancher in di cellul e, cont on modul de input/output, mett ona medesina anticancher.
In del 2013 gh'è staa di pass enorm per 'sta scenza: A genar di scenziaa han salvaa in sul DNA ona foto JPEG, di sonett del Shakespeare e l'audio del descor I have a dream e a marz l'è faa el primm Transcriptor, ossia el transistor genetich.
Ideja Modifega
L'ideja del DNA computing l'è che vist che vist che tucc i formi de vita hinn fondaa in sul DNA l'è on bon metod per calcolà.
On computer a DNA faa ben el pò vess 30 voeult pussee rapid del computer pussee svelt d'incoeu (Tianhe-2) e 6 gramm de DNA pòden contenè 3072 exabyte de informazion, in linia teorica.
Pro e contra Modifega
On computer a DNA l'è pussee lent de vun digital, perchè i reazion chimegh ghe metten or o dì, ma l'è compensaa dal facc che 'l computer a DNA l'è pussee svelt a fà i cunt compless, e i parallelizza ben. A bon cunt però le pussee fazil lensg l'output de on computer digital che de vun a DNA.
Prototip Modifega
In del 1994 a l'è faa el TT-100, ona provetta con 100 ml de DNA che l'ha resolvuu di problema matemategh. In d'on alter esperiment l'ha resolvuu el problema del venditor che 'l viaggia, e l'ha creaa on tocch de DNA per ogni città visitada. A bon cunt, con la tecnologia di quij agn i ha poduu no analizzà el resultaa, donca l'è domà on proof of concept.
Tic tac toe Modifega
In del 2002 l'è staa inventaa on computer a DNA bon de giugà al Tris. L'era faa de noeuv contenidor, vun per ogni quadraa del gioeugh.