Darsena (Milan)
|
Quest articol chì l'è scrivud in lombard, con la Noeuva Ortografia Lombarda |
La Darsena a l'è un laghet artifizzial doperad di nav e barche che naveghen per i Navili de Milan. Arenta a Porta Cines, ghe va dent el Navili Grand e foeura quell de Pavia, 'me scolmador a gh'è el Tesinell. Un temp, a l'era el port pussee important de tut Milan, el 30 de marz del 1979 gh'è passad el darrer barcon pien de mercanzia, a meter fin a una longa tradizzion de straport in su l'aqua a Milan.
Longa 750 meter e larga 25, la gh'ha una superfiss de 17'500 m2 e l'è profonda un meter e mez, l'è stada voluda del governador spagnoeul Pedro Enríquez de Acevedo del 1603, a trasformà el vegg laghet de Sant Ustorgg in d'un port ver e propi, tacad ai mure spagnoeule de Milan. In di temp indree Milan el gh'haveva anca alter do Darsene: el laghet de San March, mitud sota terra del 1930 in del soterrament de la Sercia di Navili, e 'l laghet de San Steven, mitud sota del 1857 per reson de netada publega.
Riferiment
ModifegaAlter proget
Modifega
Wikimedia Commons el gh'ha dent imagin o alter archivi su Darsena (Milan)
