David Wood (apologeta)
|
Quest articol chì l'è scrivud in lombard, con la Noeuva Ortografia Lombarda |
El David Wood (7 de avril 1976) a l'è un apologeta evangelich american, capo del ministeri religios "Acts17Apologetics".
In principi ateo, l'ha fad un mugg de rebellot de sgiovin e l'è stad menad via quand che l'ha provad a s'cepà el coo del so bobà e l'è stad condanad a 10 agn de galera, de che n'ha fad 5. Propi in galera el se svesina a la Bibia, in principi con l'obietiv de desmentìlla, e a 20 agn el se convertiss al cristianesim.
Dopo de la galera el fa un percors de studi umanistegh e religios e lilinscì el cognoss el Nabeel Qureshi, musulman ahmadiyya del Pakistan, che 'l proeuva a fàll convertì a l'Islam, e 'l lensg i varie font de la religion, inscì el se convincc che a l'è una religion violenta e 'l taca a fà l'apologeta cristian, roba che poeu anca el Qureshi el taca a fà.