Dialet sgiudee-arab
|
Quest articol chì l'è scrivud in lombard, con la Noeuva Ortografia Lombarda |
I dialet sgiudee-arab inn un grup de etnolet parlad di sgiudee in del Mond Arab. El standard ISO 639 i considera 'me una macrolengua fada su de quater lengov: el sgiudee-arab marochin, el sgiudee-arab tripolitan, el sgiudee-arab irachen e 'l sgiudee-arab del Yemen.
Inn nassud, a bon cunt, 'me di dialet de la lengua araba, con di diferenze rispet a quei parlad di minga sgiudee che viveven in di terre arabofene. Soratut, eren scrivud con l'abecee ebraich e minga con quell arab, ma comunque in l'età de mez, despess, anca l'arab classegh a l'era scrivud con quell abecee lì. Gh'hann dent varie parolle ciapade de l'ebraich e anca de l'aramaich.
Vari test important de la coltura ebraica a inn stad dad foeura in quei dialet chi, per esempi vari lavorà del Yehuda Halevi, del Mosè Maimonid e del Saadya Gaon, e anca el Toledot Yeshu, anti-vangeli satiregh: inn stad poeu voltad in ebraich medieval per permeter a tuta la comunità ebraica de intendèi.
Cont el fà su de l'Israell in del 1948 e i vari conflit de independenza in Algeria, Maroch e Tunisia la pupart di sgiudee che viveven lilinscì inn andad a viver in del Stat ebraich e 'sti dialet arab chi gh'hann havud minga tant de sucess, cont i so parlant nativ che parlen soratut ebraich o frances e i so fioeui e nevod che hann imparad soratut l'ebraich standard e l'hann ciapad 'me soa lengua comun. Resten comunque di parlant in di bande native e anca di inizziative de tutella e sostegn in Israell.
Riferiment
ModifegaAlter proget
Modifega
Wikimedia Commons el gh'ha dent imagin o alter archivi su Dialet sgiudee-arab
