Diferenze in tra el cech e 'l slovach

Quest articol chì l'è scrivud in lombard, con la Noeuva Ortografia Lombarda

El cech e’l slovach inn part de on continuum lenguistegh che el revarda anca la lengua rutena e quella polaca.

Storia

Durant de la Cecoslovachia in di mez de informazzion i dò lengov conviveven, e el facc che la ministrazzion la vedeva tranquillament cech e slovach lavorà insema el permeteva ai cech d’havégh 'na competenza del slovach, precis i slovach cont i cech. Despoeu de la dissoluzzion de la Cecoslovachia i dò popoi gh'han havud men contat e i sgioven, soratut in Cechia, han mocad de intender l'oltra lengua.

Diferenze

Abecee

L'abecee cech el gh'ha i letere ř, ě, ů che inn no in del slovach che, inscambi, el gh'ha ä, ĺ, ľ, ô, ŕ.

Gramatega

In teoria sia el cech che 'l slovach i gh’han 7 cas, ma in del oltem el vocativ a l'è doprad domà in d'on quai cas particolar ('me pane, otče, bože), menter in cech a l'è comun, tant de fà despess ciamà el slovach 'me lengua a ses cas.

Vocabolari

'Me per la pupart di lengov slave i parolle a inn assee arent e gh'è, pu che olter, di diferenze de grafia. Gran diferenza la gh'è in di nom di mes, cont el cech che 'l dopra i nom clasegh slav e 'l slovach quei latin, e ind la nomenclatura de la biologia.

Riferiment

• (IT) Cechi e slovacchi non si comprendono più, nasce un corso di slovacco per i cechi Archiviad chi: [1]

Vos corelade

• Lengov cech-slovache