Lumbard ucidental Quest articol chì l'è scrivuu in lombard, grafia milanesa.

Dus (despess anca Duce, tant 'me in italian) a l'è 'n termen ch'al voeur dì comandant o guida.

Storia Modifega

El termen, ligaa per etimologia a Duca, l'è staa doperaa in la zona italiana per parlà di capi de Stat de la Republega de Venezia e Genova, che in italian se ciàmen Doge. L'è staa poeu recuveraa del nazionalism italian e doperaa, per esempi, per riferìss al Giuseppe Garibaldi o al Gabriele d'Annunzio in del period de Reggenza Italiana del Carnar.

In del Bollettin de la Vittoria el Re Vittori Emanuel III de Savoja l'è ciamaa "Duce Supremo", o ben "Dus Supremm", usanza comun del period de la granda guerra.

El Duce pussee famos a l'è però staa el Benito Mussolini, ciamaa inscì durant del regimm fassista dal 1925 e voramai Duce per antonomasia. In del progett de la Republega Sociala Italiana el "Duce e capo del governo" el gh'eva de vess el president, elegiuu cont la democrazia organega.

Riferiment Modifega

Vos corelaa Modifega