Elettrotreno CAF Civity

Quest articol chì l'è scrivuu in lombard, grafia milanesa.

I CAF Civity a hinn 'na fameja de elettrotreni faa su de la Construcciones y Auxiliar de Ferrocarriles e pensaa per el straport regional. Incoeu a hinn doperaa in Austria, Slovenia, Italia e Montnegher.

Caratteristegh

A hinn di convoeuj articolaa faa de remorciaa (R), motris (M) e motris cont gabina (Mc).

A l'è longh 59'200 mm per i veicoi de 3 element (soluzion Mc+R+Mc), a 75'400 mm per quej de 4 element (soluzion Mc+R+R+Mc), finna a 91'600 mm per i rotabij pussee longh (soluzion Mc+M+R+M+Mc). I pòst a hinn, respettivament, da 354 a 490 finna a 560.

El sistema de trazion el vària a segonda del client: a l'è a3 kV c.c. per el mercaa italian, a 25 kV, 50 Hz per quell montenegrin e multisistema per la circolazion in su la red austriega a 15 kV, 16,5 Hz, in virtù de la volta modularità a la bas del progett.

Fornitur

Italia

El Friul-Venezia Giulia l'ha crompaa 8 Civity a 5 cass de doperà per el servizzi regional, anca in version politension per podè girà in Austria e Slovenia. In del 2012 n'hinn staa crompaa alter 4.

La Ferrotramviaria, società de la Puja, l'ha crompaa on total de 5 Civity compagn de quej forlan ma a 4 cass.