Lumbard ucidental Quest articol chì l'è scrivuu in lombard, grafia milanesa.

LEmili Caldara (Soresina, 20 de sginee 1868 - Milan, 31 de ottober 1942) a l'è staa 'n politegh italian, primm sindegh de Milan socialista in tra 'l 1914 e 'l 1920.

El Caldara

Biografia Modifega

De familia modesta, el studia giurisprudenza a l'Università di Studi de Pavia e 'l se trasferiss a Milan per lavorà e 'l se svesina a la politega, arent al Filipp Turaa e al Leonida Bissolati. In del 1899 l'è elegiuu consiliee comunal e in del 1901 l'è nomenaa secretari de la noeuva Sociazion Nazionala di Comun Italian e 'l resta in 'sto roeul finna al 1916. In del 1914 l'è elegiuu sindegh dopo de la renonzia del capolista Luigi Majno.

Al s'ciopp de la guerra el se mett 'me neutralista e 'l slarga la red de assistenza publega ma el domanda 'n indagen primma de cascià via el consiliee comunal Benito Mussolini. Vist el pegiorament di cunt comunai el se recandida no 'me sindegh e l'è sostituii de l'Angelo Filippetti. In del 1922 l'è elegiuu al Parlament e l'è poeu part di deputaa ch'han faa la secession de l'Aventin e l'è donca faa borlà giò in del 1926. L'è restaa però respettaa del Duce e de fatt el crea sconcert in del mond antifassista quand che in del 1934, in del tentativ de dervì 'na rivista dedicada al lavorà, el gh'ha on colloqui col Mussolini. El moeur in del 1942 e l'è miss sotta in del Famedi del Cimiteri Monumental.

Riferiment Modifega