Emilio Dandolo
L' Emilio Dandolo (Vares, 5 de luj del 1830 - Milan, 20 de febrar del 1859) l'è staa on patriota italian.
Vita
ModifegaA dersett agn l'ha combattuu in di Cinch Giornad de Milan, insemma al Luciano Manara, a l'Emilio Morosini e a alter member de la fameja Dandolo. L'ha combattuu in del Bressan e in del Trentin, poeu, cont el fradell Enrico, l'è staa a Roma per difend la Repubblica Romana. Lì l'ha perduu el fradell e l'amis Manara. Dopo i aveniment del Quarantott, l'ha ciappaa e l'è scappaa in esili, prima a Marseja e poeu su a Lugan.
Lì l'ha scrivuu on quai liber de memoria, di sò viagg in Africa e di sò esperienz de guerra.
Tornaa in Italia, l'ha sigutaa a preparàss per combatt contra l'Austria. L'ha combattuu in de la Guerra de Crimea 'me volontari: ma poeu dopo, quand che l'è finida, già che l'era anmò on citadin austriegh, l'è staa mandaa a Milan, indè che l'hann mettuu in preson. Lilinscì l'è mort de tisi, a vintott agn. Già che 'l sò funeral el gh'aveva ciappaa on color anti-austriegh, i autorità hann mandaa el sò corp in del cimiteri de Ader, in del Bressan.