Emily Brontë
|
Quest articol chì l'è scrivud in lombard, con la Noeuva Ortografia Lombarda |
L’Emily Brontë (30 de luj del 1818 – 19 de desember del 1848) l’è staita una scricciora de romanz romantegh e poetessa inglesa che l’è famosa per havé scrivud Wuthering Heights (Scime intempestade), el sò unegh lavorà che l’è mò considerad un classegh de la literadura inglesa e che lee l’ha publegad sota el nom d’art de Ellis Bell. L’ha ancasì fait fœura un liber de poesie insema ai sò sorelle Charlotte e Anne, intitolad Poems by Currer, Ellis and Acton Bell. In quell’œuvra chì, el sò talent el l’ha menada a vesser zelebrada per el sò sgeni poetegh.
Nassuda a Thornton, Inghilterra, de mà inglesa e pà irlandes, l’Emily l’era la segonda sorella pussee sgiovena di fredei Brontë, dedree del Maxwell e inanz de l’Anne. Inspirada de un cadò che el Maxwell l’haveva rezzevud, i fredei Brontë hann tucc scomenzad a scriver di cunt inventad quand che eren ancamò di bagaj.[1] Con la sorella Anne, l’Emily l’ha fait su un mond fantastegh ciamad “Gondal”, un’isola de fintaria con di mit e lesgende che ghe indarann a ocupà el bontemp di dò sorelle per tuta la sò vita. Per via de la natura solitaria, lee l’è una figura propri misteriosa per i biogref.[2][3][4] Asca un para de persone, a par minga che la gh’haiva havud de amis de defœura de la fameja. La sò amisa pussee vesina l’era la sorella Anne, con la qual la spartiva el mond fantastegh de Gondal e che, per l’Emily, a l’era coma una sgemella.[5][6]
Una semana apœus a l’obet del fredell Maxwell ind el setember del 1848, la se ciapè un brut freggior che el se desvilupè subet ind un’infiamazzion ai polmon e, de lì adree, ind una tisi.[7] L’è moruda ind el 19 de desember del 1848, intanta che l’era setada sgiò in su l’otomana.[8]
Referenze
Modifega- ↑ Mezo, Richard E. A Student's Guide to Wuthering Heights by Emily Brontë (2002), p. 1
- ↑ Lorna Sage The Cambridge Guide to Women's Writing in English (1999), p. 90
- ↑ Claire O'Callaghan, Emily Brontë Reappraised (2018), p. 5
- ↑ U. C. Knoepflmacher, Emily Brontë: Wuthering Heights (1989), p. 112
- ↑ Fraser, A Life of Anne Brontë, p. 39
- ↑ Barker, The Brontës, p. 195
- ↑ Benvenuto, Emily Brontë, p. 24
- ↑ Robinson, Emily Brontë, p. 308
Font
Modifega- Austin, Linda (Summer 2002). "Emily Brontë's Homesickness". Victorian Studies 44 (4): 573–596.
- Barker, Juliet R. V. (1995). The Brontës. London: Phoenix House. ISBN 1-85799-069-2.
- Benvenuto, Richard (1982). Emily Brontë. Boston: Twayne Publishers. ISBN 0-80576-813-0.
- Fraser, Rebecca (1988). The Brontës: Charlotte Brontë and her family. New York: Crown Publishers. ISBN 0-517-56438-6.
- Fraser, Rebecca (2008). Charlotte Bronte: A Writer's Life. New York: Pegasus Books. ISBN 9781933648880.
- Gaskell, Elizabeth Cleghorn (1857). The Life of Charlotte Brontë. London: D. Appleton.
- Gérin, Winifred (1971). Emily Brontë. Oxford: Clarendon Press. ISBN 01-9812-018-4.
- Miller, Lucasta (2013). The Bronte Myth. London: Vintage. ISBN 978-1-44642-621-0.
- (2003) The Brontës A to Z. New York: Facts On File. ISBN 0-8160-4303-5.
- Robinson, F. Mary A. (1883). Emily Brontë. Boston: Roberts Brothers.
- Vine, Steven (1998). Emily Brontë. New York: Twayne Publishers. ISBN 0-80571-659-9.
Ligam de denter
ModifegaLigam de fœura
ModifegaEror Lua an package.lua a la linia 80: module 'Modulo:Linguaggi' not found.