Enàgon

Chest artícol a l'è scricc in Lumbàrt, ortograféa orientàl unificàda.

'l enàgon (dal Gréch Antìch enneagonon, da εννεα cioè nöf e γωνον cioè àngol), l'è öna figüra geomètrica piàna, ü polìgon che 'l gh'à nöf làti; menimà se ciàma enàgon regolàr, ün enàgon che 'l gh'à i nöf làti töi lónch istès e i nöf àngoi töi gràncc istès e cioè de 140 gradi.

Ün enàgon regolàr

Ol perìmeter d'ün enàgon

Per troà 'l perìmeter d'ü enàgon, se 'l enàgon l'è mia regolàr, mè fà l somatòria de töcc e nöf i làti, menimà se l'è regolàr bàsta fà.

$2p\,=\,9\cdot l$

L'àrea d'ün enàgon

Gh'è dò manére dièrse per troà l'àrea d'ü enàgon regolàr:

$A(l)={\frac {9la}{2}}={\frac {2Pa}{2}}$

'ndóe l l'è 'l làto, a l'è l'apotéma e 9l e 2P i'è 'l perìmeter. Per capì chèsta fórmula, bàsta pensà che 'l enàgon 'l sìes facc de nöf triàngoi regolàr e per ògnü de chès-ce triàngoi 'l làto del enàgon l'è la bàze, menimà l'altèsa l'è 'l apotéma, isé per troà l'àrea de ü de chès-ce triàngoi s'fà come per töcc i triàngoi, cioè bàze per altèsa e pò gh'è de dividì töt per dù, e alùra per troà l'àrea del enàgon l'è asé moltiplicà per nöf.

Öpör s' pöl fà:

$A(l)=\simeq ns\ l^{2}$

'ndóe l l'è 'l làto e ns' l'è 'l nömer stàndard che per 'l enàgon l'è piö o méno 6.18182.