Enock Barwuah
L'Enock Barwuah (Palermo, 17 de agost 1993) a l'è 'n giugador de folball italian, fradell del Mario Balotelli.
Biografia Modifega
Nassuu a Palermo di sgent del Ghana, a differenza del fradell el tegn el cognomm del pader natural perchè l'è nò adottaa de la midemma familia, a differenza del fredell grand che l'è daa in affidament per di reson economegh. L'è, però, despess ciamaa cont el cognomm Balotelli per similituden.
El tacca a giugà a folball giamò de fiolin e 'l entra in del sport professional in del 2011 cont el Rapallobogliasco, l'ann dopo el passa al Salford City ingles, el passa l'ann dopo in la serie A maltesa, cont el Qormi prima e 'l Gudja United dopo, in la serie B.
In l'ottober 2013 el torna in Italia, cont el Vallecamonica de Eccellenza, indova che 'l resta finna al 2015
In la stagion 2015-2016 el torna al Rapallobogliasco, per la stagion dòpo el passa al Foligno Calcio. Del 2017 al 2018 el giuga in del Ciliverghe, per passà poeu al Pavia finna al 2019, quand che 'l passa al Carevasg.
In del 2020 l'è desvincolaa e 'l partecipa al reality show del Gran Fredell VIP.