Eptàgon

Chest artícol a l'è scricc in Lumbàrt, ortograféa orientàl unificàda.

'l eptàgon o etàgon (dal Gréch Antìch, da ept cioè sèt e gonos cioè àngoi), l'è öna figüra geomètrica piàna, ü polìgon che 'l gh'à sèt làti; menimà se ciàma eptàgon regolàr, ün eptàgon che 'l gh'à i sèt làti töi lónch istès e i sèt àngoi töi gràncc istès e cioè de 128,571 gradi.

Ün eptàgon regolàr

Ol perìmeter d'ün eptàgon

Per troà 'l perìmeter d'ü eptàgon, se 'l eptàgon l'è mia regolàr, mè fà l somatòria de töcc e sèt i làti, menimà se l'è regolàr bàsta fà.

$2p\,=\,7\cdot l$

L'àrea d'ün eptàgon

Gh'è dò manére dièrse per troà l'àrea d'ü eptàgon regolàr:

$A(l)={\frac {7la}{2}}={\frac {2Pa}{2}}$

'ndóe l l'è 'l làto, a l'è l'apotéma e 7l e 2P i'è 'l perìmeter. Per capì chèsta fórmula, bàsta pensà che 'l eptàgon 'l sìes facc de sèt triàngoi regolàr e per ògnü de chès-ce triàngoi 'l làto del eptàgon l'è la bàze, menimà l'altèsa l'è 'l apotéma, isé per troà l'àrea de ü de chès-ce triàngoi s'fà come per töcc i triàngoi, cioè bàze per altèsa e pò gh'è de dividì töt per dù, e alùra per troà l'àrea del eptàgon l'è asé moltiplicà per sèt.

Öpör s' pöl fà:

$A(l)=\simeq ns\ l^{2}$

'ndóe l l'è 'l làto e ns' l'è 'l nömer stàndard che per 'l eptàgon l'è piö o méno 3,63391.