Federazzion Italiana di Volontari de la Libertà
|
Quest articol chì l'è scrivud in lombard, con la Noeuva Ortografia Lombarda |
La Federazzion Italiana di Volontari de la Libertà (Federazione italiana volontari della libertà in italian, breviad FIVL) a l'è 'na sociazzion partigiana italiana d'area catolega e "badojana", fada su in del 1948 de 'na scission de la Sociazzion Nazzionala Partigian d'Italia, del che l'era al principi 'na correnta, che l'è sortida quand che i raport con la sinistra de la Sociazzion, soratut in di revard de la forma de Stat e di raport con l'URSS, inn deventad pu soportabel. La gh'ha la sed principal a Roma e 'na sed segondaria a Milan.
La gh'ha 'me obietiv:
- Conservà el spirit de la Resistenza
- Regordà quei che inn mort per la Liberazzion, a dà assistenza material e moral ai so familiar
- Jutà e tutellà i interess de quei che faseven part di Corp Volontari de la Libertà
- Promoeuver atività de cognossenza de la Resistenza, soratut in di scoeule
In tra i so secretari gh'è stad l'Aurelio Ferrando, l'Enrico Martini Mauri, el Raffaele Cadorna, l'Enrico Mattei e la Paola Del Din.