Feha Gìbuss e 'l Liber de la Profezia
Feha Gìbuss e 'l Liber de la Profezia a l'è 'n románz de fantasia scrivuu de Ewn Garabandal e pubblicaa a Milan de l'editor Mursia. El liber l'è staa pubblicaa la prima voeulta a Venezia de l'editor NRed in del 2005, firmaa cont el nòmm fals de Ewan McWallace. De poeu la prima edizion el liber l'è staa pù stampaa, ma l'è andaa 'dree a passà di man in man cont el passaparòla, fin tanta che i diritt hinn staa venduu a l'editor Mursia de Milan.
La cupertina de la 1° Ediziun (F2GN) | |
| Autur | Ewn Garaban' |
|---|---|
| Ilustratùr | Ewn Garaban' |
| Paes | Italia |
| Lengua | Italian, Lumbard, Vèneto |
| Serie | I Cronech de Ewn |
| Ugètt | Rumanz |
| Gèner | Fantasy |
| Editur | Mursia |
| Publicaziun | april 2007 |
| Pagin | 416 |
| ISBN | 978-88-425-36-27-7 |
|
«Stavo cercando il signor e la signora Gìbuss. »
|
Fehacrossing
ModifegaEl primm tomm "Feha Gìbuss e il Libro della Profezia" el g'ha'n bookcrossing, ciamà "Fehacrossing"; vegnen liberaa, segund el gerg de'l bookcrossing, centinaia de copij in di sitt citaa in de'l ronmanz; la stazion centrala de Milan, la Basilica de Sant'Eustorgi, la Pasquee del Domm de Milan, la Villa Reala de Munscia, e alter sitt fra Milan e la Brianza.[1].
La trama de'l liber
ModifegaFeha Gìbuss a l'è 'n bagaj de 11 ann, e'l viv in d'una poeura ca' de ringhiera in de la Via Gluck a Milan. El sò papà a l'è 'n Ghisa. In d'ona mattinna, intanta che l'è 'dree a ravanà in del soree, l'ha trovaa, sconduu sota de'na trav de'l paviment de legn, un liber misterios ; l'è saraa cont un sigill indistruttibil. El Feha ghe scond el liber a la soa mamma, e'l va a cercà di indizi per capij de che liber. De poeu el scoprirà di segrètt che cognossen domà i angioi, e insiema a el so amis, el bassott Sagace, el vivrà di avventur fantastich, per difender i omm contra i esercit de la Scurità.
La Quarta de Copertina
ModifegaSe ghe credij aj Angeli Custodi / Allora ghe credarij a tucc quell che l'è contaa sù in chell liber chì, / a la storia del Feha Gìbuss e del sò can Sagace / che gh'han combattuu la battalia contra i Forz de la Scurità. / Inscì a l'è scrivuu in del vegg Liber de la Profezia; / domà vun l'è el prescelt, / domò vun el podarà salvà i Omm de la Scurità.
I personagg principaj
Modifega- El Feha Gìbuss
- El Nostradamus
- La Aylin Kumjstel
- El Scacciombre
- El Vegg Rettor
- L'Arcangiol Michee
- L'Arcangiol Uriel
- L'Arcangiol Rafaele
- L'Arcangiol Gabriele
I lengov dopraa
ModifegaFeha Gìbuss e 'l Liber de la Profezia l'è scrivuu in italian, ma el gh'ha denter anca di part in lombard, in vèneto, in francès, in polacc e in di alter lengov inventaa (quei di Angel e di Dianzen).
I Sitt del romànz
ModifegaEl liber el conta 'na storia che l'è ambientada in numeros sitt; la partenza l'è da Milan, ma de poeu la narrazion la se sposta in di alter città real (Paris, Londra, Venezia, Triest, Istanbul, El Cairo, Lalibela, Galway, l'Isola de Man...) ma anca in di sitt de l'Aldelà (Orumvèis, Hège, Ozihb, Blewgrewus, Upanà...). La differenza pussee grossa a l'è proppi la variazion de la "dimension" induè che l'è ambientaa el romànz: l'Aldelà e l'Aldechì. El passàgg a l'è possibil grazie a di pass Angelic (quattòrdes) e del Demoni (quatter).
Not
Modifega- ↑ Font: "Il Giorno", 27 de magg del 2007