Féra da Santa Maréa dala Crus
La Féra da Santa Maréa da la Crus (an italià Fiera di Santa Maria della Croce), püsé semplicemént Féra da Santa Maréa per i cremàsch, l'è an evént che sa tègn ògne an an dal mis da mars a Crèma.
Stòria
Modifega
Al 3 da dicémbre dal 1664 i pruveditùr da Crèma i scriìa al dòge da Venésia perchè i giràà póch sòlcc e al sarès stacc necesàre mèt sö an mercàt lìber da tègn a Santa Maréa da la Crus antùrne al santüare[1][2].
Secùnd chèo che i prupunìa chèla féra che, la sarès 'ignìda tanta źént anche per la préźensa da 'na céźa isé famùźa. I spetàa persùne che le sarès 'ignide po' da fóra i cunfì da la pruìncia cremàsca e perciò fóra da la Repöblica da Venésia (dal ludeźà, dal milanés, dal cremunés) per vègn a tó pàgn, tìle e animài[3].
Al dòge Mènech Contarini apruàa perche isé i cremàsch pudìa vénd an pó da ròbe, ma anche perché isé i vignìa sö an pó da entràde per la Repöblica[4].
Al par che la pröma féra la sìes tegnìda an dal 1666 e per tant témp sa cumpràa e sa 'endìa principalmént le tìle[2].
La tradisiù di famèi
Modifega
Fin a la pröma metà dal nófcent a la féra i sa purtài di bagài e i so genitùr i cuntratàa con fitàoi e prupetàre per mandài a servése.
Chèi bagài che i vignìa ciamàt famèi e i stàa vià da cà fino al 10 da nuémbre quand la finiàa l'anàda agrària.
Gh'è da pensà che l'éra na manéra da ütà le famée da 'na ólta tanto numerùźe, con póch sòlcc e con tancie bagài da dàga da mangià[5][2].
La féra ancó
ModifegaDa sòlet la féra la sa tègn la dümìnica püsé 'iźìna al 25 da mars, dé da l'Anunciasiù. A ólte l'è stàcia spustàda quand la Pasqua la sa tegnìda prést o gh'è stacie 'n quai elesiù.
Sö via Batagg e an dal giardì cümünal ('na ólta l'éra l'urtàia dal cunvént) i mèt le giòstre e i carusù. Söl viàl, anvéce, i mèt na lunga filàda da banch (circa cént) che i vénd a pó da töt: 'istìt, giugàtui, caraméle, scàrpe. Viźì al santüare la mànca mai la pèsca da benefìciensa.
-
I banch söl viàl -
I banch söl viàl
Riferiméncc
ModifegaLébre
Modifega- Tommaso Ronna, Storia Della Chiesa Di Santa Maria Della Croce Eretta Fuori Della R. Città di Crema, Milà, Tipografia Manini, 1824.
- Francesco Piantelli, Folclore Cremasco, Crèma, Arti Grafiche Cremasche, 1985.