Ferrovia Roma-Civita Castellana-Viterbo
|
Quest articol chì l'è scrivud in lombard, con la Noeuva Ortografia Lombarda |
La Ferrovia Roma-Civita Castellana-Viterbo, ciamada anca Ferrovia Roma Nord, a l'è 'na ferrovia regionala italiana a scartament normal che la conliga la stazzion de Viterbo e la stazzion de Piazzale Flaminio cont una trata longa 102 km.
Verta del 1913, l'è in Lazzi e l'è de proprietà de ASTRAL.
Trafegh
ModifegaUrban
Modifega
In tra piazzal Flaminio, indova che gh'è la corrispondenza con la linia A de la metropolitana in la fermada Flaminio, e Montebello a gh'è un servizzi metropolitan con frequenza in tra i 10 e i 15 menut. Desgià che l'è in del territori comunal de Roma, la stazzion de Sacrofano l'è dent de la zona tarifaria de la capital, anca se servida domà di treni extraurban.
Domà la stazzion de Piazza Euclide a l'è sota terra, con quella de Flaminio che l'è quatada ma al nivell de la strada, tute i du inn dent la penetrazzion urbana, che l'è una galleria de 2'080 meter.
Tut el trat urban a l'è a binari dobi e alimentad con catenaria contrapesada, e 'l segnalament l'è luminos, cont un armament pesant che l'è bon de sostegnì anca di mez pussee pesant rispet ai classegh metropolitane.
Extraurban
ModifegaEl servizzi extraurban el gh'ha una frequenza de circa mez'ora in la matinada e anca de pussee de 'n ora in di alter moment. El temp per rivà de Roma a Viterbo l'è de circa 3 ore, in bas ai coincidenze.
Del 16 in di dì de lavorà nissun treno el fa la linia intera, che l'è compartida in du toch: Roma-Catalano e Catalano-Viterbo, menter in quei de festa cinch corren per tuta la linia intrega, pussee vun limitad a Sant'Oreste.
In la trata extraurbana la linia l'è a binari unegh e con catenaria a sospension rigida e 'l segnalament luminos el conviv con quell mecanegh e a ala.
A la stazzion de Fabrica di Roma a gh'è un ligam con la red ferroviaria nazzional, doperad incoeu domà per di reson de servizzi.
Riferiment
ModifegaBibliografia
Modifega- Angelo Curci, Il treno della Tuscia, 2, Roma, 1982.
- Vittorio Formigari, La metropolitana a Roma, Cortona, Calosci, 1983.
- Marcello Cruciani, Parliamo un po' della Roma Nord, una secondaria da rinnovare, in I Treni Oggi, nº 29, aprile 1983.
- Francesco e Maria, La Roma Nord: Ieri, oggi, in Tutto Treno, febbraio 2007.
- Matteo Jarno Santoni, La ferrovia elettrica Roma-Civitacastellana-Viterbo, Cortona, Calosci, 2020. 978-88-7785-300-4
- Enrico Dell'arciprete, La Roma-Nord: come era e come si trasformò, in Trasporti pubblici, Volume 6, Istituto poligrafico dello stato, Libreria, 1949, p. 837-851.
- Attilio Grimaldi, Destinazione Viterbo. La «Roma Nord» dalle origini al 1945 attraverso lo sviluppo della ferrovia in Italia, Roma, Universitaria, 2016. ISBN 978-88-6507-9850
- Gianfranco Lelmi, La Ferrovia Roma Nord ieri, oggi, domani, Roma, Universitalia, 2018. ISBN 978-88-3293-074-0
Alter progtt
Modifega
Wikimedia Commons el gh'ha dent imagin o alter archivi su Ferrovia Roma-Civita Castellana-Viterbo
