Filipes Capitel Düü

Quel articul chì l'è scrivüü in Lumbard, cun l'urtugrafia insübrica ünificada.

Filipes

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Düü

¹Dunca, se gh'è un quaj incuragiamént in de Crist, se gh'è un quaj cunfort del bén, se gh'è una quaj fradelanza del Spirit, se gh'è una quaj cumpassiún e misericordia, ²fee cumpleta la mia letizia che pensii la medema cossa, avendugh el medemm bén, de vün acordi, pensand vöna cossa, ³nagott per la gara, nagott per la gloria vana, ma in de l'ümiltaa de la mént cunsiderand vün i alter püssee alt de vialter medemm, ⁴no vardand ognidün i propi coss, ma ognidün i coss di alter. ⁵Pensii tra vialter chèst che l'è anca in de Crist Gesü,
⁶che ancabén l'è esist in de la furma de Diu,
el gh'ha pensaa una cossa de tegnì
el vèss cumè Diu,
⁷ma 'l s'è vujaa,
e l'ha ciapaa la furma d'un sèrv,
e l'è devegnüü in del semej;
e l'era truaa in de la figüra cumè un omm;
⁸el s'è faa ümil
e l'era übediént fin a la mort, e la mort sü una crus.
⁹Dunca, anca Diu el gh'ha faa assee alt,
e 'l gh'ha daa liberamént el nomm
che l'è sura ogni nomm,
¹⁰perchè al nomm de Gesü,
ogni genögg el s'inchina
in di cél, sü de la tèra, e sott la tèra,
¹¹e ogni lengua la cunfessarà che Gesü Crist l'è Signúr
a la gloria de Diu el Pader.
¹²Dunca, mè fradèj, propi cumè semper avii übedii, no cumè dumà in de la mia vegnüda ma adèss tant püssee inscì in de la mia assenza, cun pagüra e tremúr cumpii la propia salvéza: ¹³già che Diu l'è Lü che 'l laura in de vialter, sia vurè sia laurà per la sua vuluntaa. ¹⁴Fee tüsscoss sénza 'l barbutà e 'l scumbatt, ¹⁵perchè siuv ireprensibil e inucent, fiöö de Diu sénza smagia, in del mezz a una generaziún perversa e curota, tra i quij splendii cumè lüs in del mund, ¹⁶intanta che tegnii sald a la parola de la vita, al mè vant in del dì de Crist che huu minga cors vanamént né huu zecaa vanamént. ¹⁷Ma se anca saruu versaa cumè un sacrifizi de bév sül sacrifizi e ministeri de la vostra féd, mì gh'huu letizia e ghe godi cun tücc vialter; ¹⁸In de l'istessa manera, gh'avarìuv anca vialter letizia e godiigh cun mì.
¹⁹E mì speri in del Signúr Gesü Crist de mandàv Timute sveltamént, perchè gh'abia anca mì curagg quand mì savaruu i coss sü vialter. ²⁰Già che mì gh'huu nissün cumpagn de l'anema, che l'è anziús francamént per i coss sü vialter; ²¹defàtt, tücc cerchen i propi coss, no i coss de Gesü Crist. ²²Ma vialter cugnussii la sua pröva, che cumè un bagaj a un pader l'ha servii cun mì per el vangel. ²³Dunca, speri de mandàvell no pena vardi sübit i coss sü mì; ²⁴e a sun cunvinciüü in del Signúr che mì medemm vegnaruu sveltamént.
²⁵E huu cunsideraa necessari de mandàv Epafrodit, el mè fradèll, cumpagn d'opera e de lota, e 'l voster apostul e minister di mè besogn, ²⁶perchè 'l vureva vedè tücc vialter e 'l gh'aveva la malinconia, perchè avii sentii che l'era malaa. ²⁷Defàtt, anca l'era malaa vesin a la mort, ma Diu 'l gh'aveva misericordia a lü, e no dumà a lü ma anca a mì, perchè gh'avessi no tristéza sü tristéza. ²⁸Dunca, a gh'huu mandaa püssee zelantamént, perchè quand ghe vedii de növ gh'abiuv letizia e mì sia mén trist. ²⁹Dunca, riceviil in del Signúr cun tüta letizia e tegnii in d'unúr personn cumè lü, ³⁰perchè per l'opera del Signúr l'è vegnüü vesin a la mort, despö che l'ha ris'ciaa la propia vita, per impienì la vostra mancanza de servizi a mì.

Navigaziun

• ← Indree a Capitel Vün
• Inanz a Capitel Trii →
• A l'indes