Filter ADSL
On filter ADSL a l'è on filter passa bass analogich doperaa in su dispositiv analogich per evità interferenz in tra el segnal telefonich e quell de l'ADSL in su 'na red telefonica POTS. Senza on filter a ghe sarien di interferenz in tra i vari segnai che pòden impedì ai dò sistema de fonzionà regolarment, cont di interferenz in su la red telefonica e di bus in su la red ADSL. Normalment el filter el opera domà in sui dispositiv telefonich e i fax, e 'l modem el ricev direttament la linia telefonica.
