Fission nuclear

Quest articol chì l'è scrivud in lombard, con la Noeuva Ortografia Lombarda

La fission nuclear a l'è una reazzion nuclear indova che el nucli atomegh d'un element chimegh pesant, compagn de l'urani-235 o del plutoni-239) el decad in tochei pussee piscinit, o ben cont un numer atomegh pussee bass, inscì de dà foeura un bell poo de energia, volta anca per i standard del decadiment radioativ.

Esempi de fission con reazzion a cadena

'Sto process chi el po capità in natura, despess in di grote piene de urani, o el po vesser menad inanz cont un bombardament de neutron, che l'è el sistema doperad incoeu per fà i reator nuclear e per i prime armi atomeghe, compagne de Little Boy che l'ha colpid Hiroshima e Fat Man, che l'ha colpid Nagasaki. 'Sti armi chi, ciamade bombe A, inn stade in larga part sostituide di bombe termonuclear.

Un material bon de vesser passad per la fission el gh'ha dent, rispet a la soa massa, milion de voeulte l'energia de 'n classegh carburant, ma i so prodot a inn assee radioativ e donca de gestì con di mesure de sigurezza aposta.

Riferiment

• Britannica

Alter proget

Altri progetti

• Wikimedia Commons

• Wikimedia Commons el gh'ha dent imagin o alter archivi su Fission nuclear

Vos corelade

• Fusion nuclear
• Propulsion nuclear
• Fission freggia
• Material fissil