Fomna con l’armelin
|
Quest articol chì l'è scrivud in lombard, con la Noeuva Ortografia Lombarda |
La Fomna con l’armelin l’è un litrat depenc de l’artista renassimental Leonardo da Vinci. La data de creazzion l’è intoren al 1489–1491, e l’œuvra l’è a œuli in su una tavola de legn de nos. La modella de la picciura l’è la sciora Zezzilia Gallerana, vuna di sgimache del Lodovigh Sforza, duca de Milan. Quand che el l’ha fait su, el Leonardo l’era un piccior a la cort di Sforza a Milan. L’è el segond de nomà quater litrat de done rivad al dì de incœu ch’inn stait depenc del Leonardo.[1]
.jpg)
La Fomna con l’armelin l’è guarnada ind el Musee Czartoryski de Cracovia, e l’è vun di tesor nazzionai de la Polonia.[2] L’è part de la conlezzion di prenzep Czartoryski e, el 29 de desember del 2016, l’è stait vendud per 100 milion de euro – el 5% del valum stimad de tuta la conlezzion[3] – al goveren poles de la Fondazzion di prenzep Czartoryski, representada de l’Adam Karol Czartoryski, el darer dessendent diret de l’Izabela Czartoryska Flemming e l’Adam George Czartoryski, che s’eren trait adree in Polonia la picciura de la Lombardia.[4][5][6]
Referenze
Modifega- ↑ Palmer, Allison Lee (2018). Leonardo da Vinci: A Reference Guide to His Life and Works (Significant Figures in World History). Lanham: Rowman & Littlefield. ISBN 978-1-5381-1977-8.
- ↑ Da Vinci's Lady with an Ermine among Poland's "Treasures" – Event – Culture.pl. Ministry of Culture and National Heritage.
- ↑ "Poland secures bargain deal for Leonardo da Vinci and other works", BBC News (29 December 2016).
- ↑ Berendt, Joanna (29 December 2016). Poland Buys Czartoryski Family Art Collection.
- ↑ Leonardo da Vinci, "Dama z gronostajem" (pl) (2017).
- ↑ Dlaczego warto było zapłacić 100 mln euro za kolekcję z "Damą z gronostajem" (pl).
Ligam de denter
ModifegaLigam de fœura
Modifega
Wikimedia Commons el gh'ha dent imagin o alter archivi su Fomna con l’armelin
