Foppon de San Rocch

Quest articol chì l'è scrivuu in lombard, grafia milanesa.

El Foppon de San Rocch (italian: cimitero di San Rocco al Vigentino) a l'era vun di cinch foppon de Milan.

Storia

Faa su in del 1783 foeura di Bastion, el se trovava dedree a la gesa de San Rocch (desconsacrada in del 1786). El gh'aveva ona forma squas retangolar, e la se trovava in tra la via San Rocch, la rongia Bocchetta (incoeu via Agnesi), la via Piasenza e pu o manch la via Verona.
A bon cunt, 'sto foppon chì l'è duraa pocch, perchè l'è staa desmettuu giamò in del 1826.

Bibliografia

• Tedeschi, Carlo, Origini e vicende dei cimiteri di Milano e del servizio mortuario, Milano, Giacomo Agnelli, 1899. no

Varda anca

• Gesa de San Rocch (Milan)