Formula Steinmeier
|
Quest articol chì l'è scrivud in lombard, con la Noeuva Ortografia Lombarda |
La formula Steinmeier a l'è stada 'na proposta fàda in del 2015 del minister di afar forest de la Germania, elesgiud poeu a la presidenza, Frank-Walter Steinmeier per meter in pratega el protocoll de Minsk II e donca meter fin a la guerra del Donbass.
Con 'sta formula i zone separatista sarien stad dade indree a l'Ucraina e havarien votad sota la supervision de l'OCSE cont un status special provisori, che 'l saria poeu dad per semper.
In del 2019 el president ucrain Volodymyr Zelensky el sostegn 'sta formula chi, con l'aprovàlla in d'una trilateral cont i representant de la Russia e di separatista, roba che la mena a di proteste in del Pais, che consideren l'acord 'me una resa. El Zelensky l'ha did che 'l saria stad una manera de meter fin a la guerra, menter i leader separatista hann parlad del recognosser formal del so dirit de autodeterminàss e de scernì che lengua parlà e 'me organizàss.
A bon cunt, però, a l'è stada mìnga aplicada debon, e poeu la Russia in del 2022 l'ha invadud l'Ucraina.