Francis Bacon

Quest articol chì l'è scrivud in lombard, con la Noeuva Ortografia Lombarda

El Francis Bacon (Londra, 22 sgenar 1561 – Londra, 9 avril 1626), a l'è stad un om de stat e filosof ingles.

Biografia

Fioeul del sir Nicholas Bacon, lord canceller de la regina Lisabeta, el vegn educad in del Trinity College de Cambridge, destinad a una vita diplomatega. Dop de vesser stad in Franza de l'ambassador ingles el torna in Inghilterra per la mort del pader e el se dedega a l'avocadura e a la politega e el vegn prest elesgiud in parlament.

Cont el Giacom I 'me re el vegn con rapidità lord vardasigill in del 1617 e lord canceller in del 1618, cont i titoi de baron de Verulami e viscont de Sant Alban. Desgià che l'era sostegnidor de una monarchia forta contra el parlament, el se fa tant de nemis e quand che el re el convoca el parlament per l'imposizzion de tasse noeuve, el Bacon el vegn metud sota acusa de corruzzion. Condanad, el gh'ha de lassà i careghe publeghe e el se retira a vita privada in di so studi in su la natura. El moeur in del 1626 a 65 agn in de la residenza del cont de Arundel, a Highgate, per una polmonita.

Oeuvre principai

Essays (1597)
Novum organum (1605)
De dignitate et augmentis scientiarum (1623)
New Atlantis (1624)

Bibliografia

Enciclopedia Garzanti di Filosofia, Garzanti