Franzesch I Sforza de Carevasg

Quest articol chì l'è scrivuu in lombard, grafia milanesa.

El Franzesch I Sforza de Carevasg (... - 1576) a l'è staa on nòbel milanes, marches de Carevasg del 1553 al 1576.

Biografia

Fioeu del Muzio I e de la Faustina Sforza de Santa Fiora e donca nevod del primm marches Giovann Paol. El pader el moeur in battalia in del 1553 e 'l Franzesch, infant, el deventa marches sotta la reggenza de la mader. Deventaa grand, el se marida con la Costanza Colonna, fioeula del Marcantonio Colonna, per procura e cont ona clausola de rispett finna ai 15 agn, degià che la Costanza la gh'eva domà 12 agn. Maltrattada in principi, tant de scappà in d'on convent juttada del Carlo Borromee, cont el temp troeuven la pas e gh'han ses fioeui: El Muzio II el va in sul trono a la mort in del 1576 e 'l Fabrizzi che 'l deventa general e intim consiliee del Re de Spagna.

Roeul in la vitta del Carevasg

A l'è staa testimon del matrimoni di sgent del Michelàngel Merisi, dii Carevasg, e la sò miee l'ha protegiuu e sostegnuu finanziariament el pittor.

Riferiment

• Caravaggio, non solo l'artista dannato