Furmai grana
|
|
Quel articul chì l'è scrivüü in Lumbard, cun l'urtugrafia insübrica ünificada. |
El Furmài grana l'è un furmài tipich d'la Pianüra Padana, utegnüd da la laurassión dal lat d’le vache.
El grana utegnüd in sit specifich cun el rispèt de specifich regulamént de prudüssión, l'è vendüd cun marchi che i en 'na garansìa de rispèt de un gran nivél qualitatìu. Marchi storich dal furmài grana i en el Grana Padano e'l Parmigiano Reggiano.
Una furma de furmài grana la gh'ha ubligaturiamént da avègh un pes variabil cumprés tra i 24 e i 40 chilo[1][2][3]. Par fà un chilo de furmài grana ghe vörun 16 litor de lat[4].
La principàl diferensa tra el Parmigiàn Regiàn e'l Grana Padàn la stà ind el mangià d'le vache: par fa el Parmigiàn se pöd miga dagh i mangìm.
El mangìm el pöd inquinà el lat cun d’le spore dal clostridium tyrobutyricum che pödun, in fas de stagiunadüra, fà gunfià el grana: questa l’è vüna d'le alterassión püssè pesànt a carich dal prudùt.
El mangìm el pöd es druàd se se met ind el furmài un cunservànt natüràl cume el lysozyme. Quest el sücéd ind la prudüssión dal Grana Padàn.
Altor grana i en el Granón Ludesàn (cunsideràd cume el prim de tüti i furmài grana[5]), el Trentingrana e, tra quei fai föra da l'Italia, el Reggianito e'l Gran Moravia.
Vus curelade
ModifegaRiferimént
Modifega- ↑ Chel pes chi el val par el Grana Padàn ma anca par el Parmigiàn Regiàn, cume scrit ind i sit dai cunsorsi de tütéla.
- ↑ http://www.granapadano.com/aspx/Home.aspx?idMenu=607&liv=1&idAmb=66 Arqiviad qé: [1]
- ↑ http://www.parmigiano-reggiano.it/sezione/21088/I_numeri_del_Parmigiano_Reggiano_2008.aspx
- ↑ Funt: guardà i sit dal cunsorsi.
- ↑ Granone Lodigiano e Raspadüra. www.saporetipico.it. Recuveraa el 17-11-2009.