Game Boy
El Game Boy a l'è 'na console portatil de la Nintendo venduda dal 1989 e desviluppada del Nintendo Research & Development 1, ossia la squadra pussee antiga de l'azienda giapponesa. El gh'ha avuu gran success cont el gioeugh Tetris e l'è stada vuna di console pussee longev de semper, vist che l'è stada tirada via del vend in del 2003, 14 agn dopo de la pubblicazion.
Caratteristich
Modifega
- CPU: Sharp LR35902 a 8 bit cont clock a 4,19 MHz
- RAM: 8 KB
- VRAM: 8 KB
- Son: 4 canai stereo: Altoparlant domà mono, scuffi stereo
- Display: LCD 160 pixel × 144 pixel a 4 gradi de gris
- Alimentazion: 4 batterij AA per circa 36 or
Cartocc
Modifega
|
Per savenn pussee, varda l'articol Game Pak. |
I gioeugh del Game Boy a hinn salvaa in su Cartoccia ROM de circa 6 centimeter. Pòden vèss dotaa de batteria tampon per tegnì i salvatagg del gioeugh.
A hinn mittuu dent de 'na fessura e l'è bloccada del botton de accension. Se l'è tòlta via de facc el Game Boy el se blocca e se pò s'ceppà el salvatagg.
Vendit e concorrenza
Modifega
El Game Boy e 'l Game Boy Color han venduu, insemma, 118,69 milion de unità: 32,47 milion in Giappon, 44,06 milion in America, e 42,16 in del rest del mond. In la confezion a gh'era el Tetris e 'l cavett per el multigiugador.
La concorrenza l'ha presentaa di console: Atari Lynx che anca, se in teoria pussee bona, el gh'ha avuu no success per el pes eccessiv e per la scarsa durada di batterij e la Game Gear de la SEGA che l'éra compatibil cont el Master System e dònca el gh'ha avuu pussee success, anca grazia a 'na bona campagna de reclamm.
Accessori
ModifegaGh'eren anca di accessori per el Game Boy:
- Game Boy Battery Pack: Alimentator portatil recaricabil
- Game Boy Camera: Fotocamera bona de fotografà in bianch/negher.
- Game Boy Printer: Stampanta tèrmica per i foto de la Game Boy Camera e per i gioeugh che la supporten.