Gesa de Sant Anselmo (Bagg)
La Gesa de Sant Anselmo (offizialment Gesa de Sant Anselmo de Bagg Vescov) a l'è 'na gesa de Milan, in del quarter de Bagg.
Storia Modifega
A l'è stada fàda su, in territori nominalment de Quint, per servì el noeuv quarter popolar baggin in tra el Cimiteri e Quint e l'è elevada offizialment a paròquia el 12 de fevree 1970, cont territori ciappaa de la Paròquia de Sant Apollinar.
In principi a l'éra fàda di element prefabregaa, ciamaa di locài "el baraccon", in quell che incoeu a l'è 'n parchegg in d'ona traversa de la Via Quint, e la gh'eva nanca on oratori, tant che i lezion de dottrina eren faa in di stanz ficciaa, di scoeur arent o di alter istituzion.
In tra el 1984 e 'l 1986 a l'è fàda su 'me edifizzi complett in la Via Manaresi, e i lavorà finissen in del 1990, in su progett de l'Andrea Bolzani, del Valentino Benati e de l'Antonio Galli.
Del primm de sginee del 2023 l'è part de la noeuva Comunità Pastorala Sant Anselmo-Sant Apollinar.
Caratteristegh Modifega
A l'è 'na gesa a pianta quadrada e soraelevada rispett a la stràda: ghe se riva donca cont ona scalinada. Dent a l'è 'n ambient unich e cont el ciment armaa in vista.
I pilàster a hinn separaa di vetraa del Fra Pierangelo Pagani menter i pittur a hinn del Pierantonio Verga.
La Gesa la gh'ha on circolin coltural e 'n oratori, dedicaa al San Filipp Neri.