Gesa de la Madonna di Pover (Sella Noeuva)

Quest articol chì l'è scrivuu in lombard, grafia milanesa.

La Gesa de la Madonna di Pover a l'è 'na gesa paròquiala de Bagg, in l'inscì ciamaa quarter popolar Bagg II, a mità in tra la Sella Noeuva e 'l center storich de Bagg.

La Gesa

Storia

A l'è stada fada su in tra el 1952 e 'l 1956 'me part de 'n progett diocesan per dotà di ges i noeuv zonn de edilizia popolar faa in la periferia milanesa. Progettada de Figini e Pollini, al principi con di gran progett, i ristrettezz economich menen a fà domà di part del progett originari e han lassaa foeura di ròbb 'me 'n ingress in grand stil, on battisteri e 'n ciocchee. A l'è istituida 'me paròquia el 1 de fevree del 1954.

Caratteristegh

A l'è 'na gesa pòra, in stil brutal, cont inluminazion naturala e altar in stil ambrosian. A gh'hinn quatter pilaster che separen i trè navaa dedicaa ai sgent.

Gh'hinn dent di oeuver 'me 'na Cros dora e 'n tabernacol in ramm.

Riferiment

• Chiesa della Madonna dei Poveri
• Chiesa della Madonna dei Poveri Arqiviad qé: [1]
• parrocchia della Madonna dei Poveri

Ligamm de foeura

• Sitt offizial