Gesa di Sant Sergi, Serafin e Vissenz
|
Quest articol chì l'è scrivud in lombard, con la Noeuva Ortografia Lombarda |
La Gesa di Sant Sergi, Serafin e Vissenz a l'è una gesa ortodossa de Milan, vesina al Cordus. La dipend del patriarcad de Mosca, l'è part de la gesa ortodossa russa in Italia e la dopera 'me lengua el slav eclesiastegh.
La soa faciada l'è quella de la gesa de San Vissenzin de via Camper, fondada in del 770 de la mier del Desideri, desconsacrada sota el Napoleon e deventada prima studi privad e poeu cinema e, infin, sbatuda sgiò in del 1964.[1] El denanz l'è stad guarnad e menad in via Giulin per deventà quell de la noeuva gesa, insema a di fresch de l'Aureli Luin e un Crist Pantocrator che l'è atribuid al Bergognon.[1]
La deventa sed de la parochia ortodossa in del 1996[1], con la comunità russa che la toeu in ficc e la met a post per i so besogn liturgegh[2], dopo che la s'era destacada de la veggia Gesa de San Nicola, che l'haveva s'cepad la comenion con Mosca.[3] La parochia l'è in pè del 10 de november del 1983 e l'ha did la soa prima divina liturgia propi du agn dopo, el 10 de november del 1985, in d'una cà privada prima e poeu in d'un apartament tolt in ficc, la farà san-martin in quella gesa chi el 1 de sgiugn del 1996.[4]
Longa apena ses meter e larga dodes, cont una superfiss de 72 m2 l'è considerada per quella reson chi la gesa pussee curta de Milan.[4]
Riferiment
ModifegaAlter proget
Modifega
Wikimedia Commons el gh'ha dent imagin o alter archivi su Gesa di Sant Sergi, Serafin e Vissenz
