Gesioeu de la Madona de la Nev
El Gesioeu de la Madona de la Nev a l'è 'n ossari a Mezzan, frazion de San Giulian, indova che hinn mettuu via i rest di soldaa svizzer che in del settember 1515 han combattuu contra del Re de Franza in la battaja de Marignan per el controll del Ducaa de Milan, e che l'ha menaa al passagg del Ducaa de Milan di svizzer ai franzes cont la pas de Friborgh. A l'è arent a la gesa omònema e la gh'è 'me iscrizion "chinscì possen i oss di svizzer ch'han combattuu con gran valor ma hinn staa sconfitt del re Franzesch de Franza, juttaa di venezian, in la battaja di gigant".
A l'è staa faa su in del secol quell del 18 e restaveraa in tra el 2012 e 'l 2014 per via de 'n camios che l'ha faa 'n incident. Se dis che i oss denter sien staa tolt de la terra intorna di locai, ma el se sa minga se 'l sia vera, degià ch'a l'è staa faa su 200 agn dopo de la battaja. Incoeu el partegn a la Fondazion pro Marignan.
Galleria di foto
Modifega-
L'iscrizion de l'ossari -
I oss -
L'ingress de l'ossari -
Di coo -
