Giüdee Capitel Des

Quel articul chì l'è scrivüü in Lumbard, cun l'urtugrafia insübrica ünificada.

Giüdee

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Des

¹Già che la lég la gh'ha un'umbrìa di bonn coss che l'è dree a vèss, no medemm l'imagen di coss, ann despö ann a i medemm sacrifizi che òfren per pudè mai cuntinüamént fà perfètt lur che vann vesin: ²già che sedenò avarìen cessaa de vèss ufèrt perchè lur che adoren hann pü nissüna cunsciéza di pecaa, despö che una völta hinn staa faa nètt? ³Ma in de quij coss gh'è un regord di pecaa ogni ann: ⁴già che 'l sangh di tor e di caver l'è capaz no de tö via i pecaa.
⁵Dunca, quand el va denter, el dis al mund:
t'hee desideraa minga un sacrifizi e un'ufèrta,
e t'hee preparaa per mì un corp;
⁶t'hee minga ciapaa piasè in di sacrifizi brüsaa anca per i pecaa
⁷alura huu dii:
Varda, sun vegnüü in del rotul del liber l'è scrivüü de mì,
per fà, o Diu, la tua vuluntaa
⁸püssee alt disend che:
sacrifizi, ufèrt e sacrifizi brüsaa e per pecaa
t'hee minga vurüü né t'en hee ciapaa piasè,
i quij hinn ufèrt segund la lég, ⁹a chèll témp l'ha dii: Varda, sun vegnüü per fà la tua vuluntaa. El tö via el primm perchè 'l sta 'l segund ¹⁰in de la qual vuluntaa sèmm faa sant per mèzz del corp de Gesü Crist una völta.
¹¹E menter ogni sacerdott l'è staa in de pee, e 'l ministra ogni dì e l'ufer despess i medemm sacrifizi, i quij pöden mai tö via i pecaa, ¹²chèsta persona l'ha ufert vün sacrifizi per i pecaa perchè 'l s'è setaa giò per semper a driza de Diu, ¹³e 'l speta urmai fin che i sò nemís hinn metüü cumè un scagn per i sò pee. ¹⁴Già che l'ha faa perfètt lur che hinn faa sant cun vöna ufèrta per semper.
¹⁵E anca 'l Spirit Sant el me da testimunianza, defàtt despö 'l dì:
¹⁶«Chèst l'è 'l testament che faruu cun lur,
despö quij dì, el dis el Signúr;
dand i mè lég sül lur cör
e sü la lur mént je scrivaruu,
¹⁷e di lur pecaa e di lur iniquitaa
me regurdaruu pü».
¹⁸E due gh'è 'l perdon de chèstcoss, gh'è pü un'ufèrta per el pecaa.
¹⁹Dunca, perchè gh'èmm pièna libertaa del nà denter in di lögh sant in del sangh de Gesü, ²⁰el qual nà denter Lü 'l m'ha cumenzaa cumè una via növa e viventa travèrs el vél (l'è de dì, el sò corp) ²¹e un sacerdott grand sura la cà de Diu, ²²andarìum vesin cun un cör s'cètt cun pièna fidüzia de la féd, despö che i cör hinn sbrufaa d'una cativa cusciènza e 'l corp l'è staa lavaa cunt aqua nèta; ²³tegnarìum sald a la cunfessiún fèrma de la speranza già che lü che l'ha faa la prumèssa l'è fedél, ²⁴e me vardarìum sü el vün l'alter, de dà 'l léva al bén e bonn oper, ²⁵bandunand no el vegnì insèma de nümm medemm, cumè l'è 'l custüm de quij, ma incuragiand anca tant püssee che vedii vegnì vesin el dì.
²⁶Defàtt quand nümm pecum vulentéra despö avè ricevüü la cugnussénza de la veritaa, el resta pü un sacrifizi per i pecaa, ²⁷ma un spetà del giüdizi che 'l fa pagüra e una passiún de fögh che l'è dree a mangià lur che hinn cuntra lü--²⁸quajdün che l'ha desprezaa la lég de Musè sénza misericordia el mör sü düü o trii testimon: ²⁹Quand pensii pegiúr el sarà dègn de pèna lü che 'l zampada adoss el Fiöö de Diu e cunsideraa impür el sangh de l'acordi del qual l'è staa faa sant, e ciamaa adree el Spirit de la grazia? ³⁰Già che le savèmm lü che l'ha dii:
«La vendéta l'è de mì, mì pagaruu indree».
E de növ,
³¹«L'è una cossa che la fa pagüra el burlà giò in di man del Diu vivent».
³²E regurdeev i dì passaa in de quij, despö vèss staa lüminaa, avii supurtaa una granda lota di patimént, ³³ognitant faa vedüü in d'un spetacul cun sarad e guai, alter völt devegnüü cumpagn de lur che hinn staa trataa inscì. ³⁴Già che avii patii insèma anca a i cadenn, e avii ricevüü cun letizia la sgrafignada di voster pruprietaa perchè savii che vialter medemm gh'avii una pruprietaa mejúra e fissa. ³⁵Dunca, bütee minga föra la vostra fidüzia, che la gh'ha una granda recumpénsa. ³⁶Defàtt gh'avii besogn de la perseveranza, perchè, despö avè faa la vuluntaa de Diu, ricevuv la prumèssa.
³⁷«Defàtt, ancamò un témp püssee curt,
lü che 'l ven el vegnarà el cüchignarà no;
³⁸e 'l mè giüst el vivarà per féd,
e se 'l tira indree,
la mia anema la ciapa minga piasè de lü».
³⁹Ma nümm sèmm no de quij che tiren indree a la destrüziún, ma de quij che hann la féd che l'uten l'anema.

Navigaziun

• ← Indree a Capitel Növ
• Inanz a Capitel Vündes →
• A l'indes