Giüdee Capitel Vott

Quel articul chì l'è scrivüü in Lumbard, cun l'urtugrafia insübrica ünificada.

Giüdee

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Vott

¹E la cossa prenzipala sü i coss che hinn staa dii l'è che gh'èmm un tal sacerdott scèff, che 'l s'è setaa giò a la driza del tron de la majestaa in di cél, ²el minister di sant e de la tenda vera, la qual el Signúr l'ha custrüii, no un omm. ³Già che ogni sacerdott scèff l'è numinaa per ufrì sia regaj sia sacrifizi; de due l'è necessari che anca chèsta persona l'ha quajcoss d'ufrì. ⁴Dunca, se l'era sü la tèra, el sarìa no gnanca sacerdott, perchè gh'hinn quij che ufren i regaj segund la leg; ⁵lur serven cumè un esempi e un'ümbrìa di coss celestiaj, propi cumè Musè l'è staa cumandaa de Diu quand l'era dree a cumpletà la tenda, «Defàtt, varda», el dis, «Te faree tütt segund l'esempi che el t'era mussaa in de la muntagna»; ⁶ma adèss l'ha utegnüü un ministeri püssee ecelént, tant quant lü l'è anca un mejúr mediadúr d'un acordi che l'è staa daa cumè una leg sü mejúr prumèss.
⁷Già che se chèll primm l'era ireprensibil, un lögh d'un segund el sarìa staa mai cercaa. ⁸Già che quand el je biasma, el dis:
«Varda, i dì vegnen, el dis el Signúr,
e finiruu el mè popul Israel,
e sü la cà de Giüda un növ acordi,
⁹no segund l'acordi, el qual huu faa cun lur pader,
in del dì quand huu i ciapaa per la lur man,
per menà lur de la tèra d'Egitt,
perchè hann minga restaa in del mè acordi,
e mì huu minga cüraa de lur, el dis el Signúr;
¹⁰Perchè chèst l'è 'l acordi che faruu cun la cà d'Israel,
despö quij dì, el dis el Signúr;
Meteruu i mè leg in de la lur mént
e i scrivaruu sül lur cör,
e saruu 'l lur Diu,
e sarann el mè popul;
¹¹e insegnarann no, ogni persona el sò citadin cumpagn,
e ogni persona el sò fradèll, disend: Cugnuss el Signúr,
perchè tücc me cugnussarann
del piscinìn fin al grand de lur,
¹²perchè saruu misericordiús a i lur ingiüstizi,
e i lur pecaa me regurdaruu pü».
¹³Quand el dis «növ» l'ha faa vegg el primm; e chèll che l'è faa vegg e ubsulet, l'è dree a sparì.

Navigaziun

• ← Indree a Capitel Sett
• Inanz a Capitel Növ →
• A l'indes