Giopin

Quest articol chì l'è scrivud in lombard, con la Noeuva Ortografia Lombarda

Ol Giopin (Giupì en la grafia fonetega bergamasca) a l'è 'na tipega maschera del carneval originaria de Sanga. Per la tradizzion a l'è fioeul de Bortol Zoeucalonga e de la Maria Scatolera, biadegh del Bernardo e de la Bernarda, l'è maridad con la Margin e 'l gh'ha 'n fioeul, ol Bortolin. L'è fredell del Giacomin e del piccen Bissanbraga e ga pias prope tant ol vin.

Ol Giopin

A l'è prope cognossud per i sò trii goss, paragonad a di pom de terra, che 'l porta con orgoeuj, perchè i è l'emblema de fameja.

A gh'è 'n cant popolar ch'al fa:

	«E me son Giopin de Sanga con trii patate en banda e toeucc i me domanda de che paes son me E me ga do risposta con voce sopraffina se gh'hoo la patatina L'è toeuta roba mé»

Donca, ol Giopin el gh'ha la fama de vun che l'è 'n poo gnorant, ma semper pront a vutà i debol, ma 'pò de vun furbaster e inafidabel, tant che se dis "fà la figura del Giopin" per quej che i viv de espediencc.

Ol sgiornal del Ducad de Piazza Pontida al sa ciama "Ol Giopì".

Bibliograféa

• Renato Ravanelli, Giorgio Gavazzi, La Bergamasca in pianura, Grafica e Arte Bergamo, 1983, pp. 382, 383.
• Anna Zanconi, Gioppino polenta e vino, Edizioni Villadiseriane, 1994.

Vos corelade

• Pacin Paciana
• Margin
• Maria Scatolera