Guerra anglo-zanzibariana
La Guerra anglo-zanzibariana l'è stada ona guerra in tra el Regn Unii e Zanzibar, fada el 27 de agost del 1896. L'è considerada la guerra pussee corta de la storia, che l'è andada inanz per circa 40 menut.
El casus belli l'è staa la mort del sultan Hamad bin Thuwaini, a favor de l'Imper Britannegh, el 25 de agost, e de la salida in sul scagn del sò nevod Khalid bin Barghash, contrari ai interess d'ingles, che preferiven l'Hamud bin Muhammed comé sultan. Vuna di condizion per podè vess sultan l'era l'approvazion del consol britannegh, e 'l Khalid la gh'aveva no l'approvazion.
Donca i ingles han ordinaa al Khalid de ritirà i sò omen del Palazz Real, ma lu l'ha refudaa, donca ai or 9:00 del 27 agost i ingles manden 5 nav e 1'050 omen, contra i 2'800 omen de Zanzibar, giudaa del Sultan. Gh'è staa anca ona bataja navala, che l'ha portaa a la distruzion del yackt del Sultan.
Ai 9:02 el Palazz l'è staa bombardaa, e i soldaa de Zanzibar han sbaraa, inutilment, contra i ingles. Ai 8:40 gh'è staa el cessee el foeugh e la bandéra reala l'è sbattuda giò.
L'armada de Zanzibar l'ha perduu pussee de 500 soldaa, inveci quella inglesa domà on ferii gram, che poeu el s'è riprenduu.