Guerra di 335 agn
La Guerra di 335 agn a l'è stada 'na situazion de conflitt internazional verta in tra i Provincc Unii, e donca poeu i Paes Bass, e l'Isola de Scilly, in Inghilterra, verta dal 30 de marz del 1651 al 17 de april del 1986.
La guerra a l'è scominciada quand che i Monarchich, in lotta contra de l'Oliver Chromewell, tacchen di nav olandes, liaa de la Republica, per sacchegiài. L'Olanda l'ha donca deciaraa guerra, ma cont la reconquista republicana de la Cornovaja a l'è mai faa offizialment on trattaa de pas.
Domà in del 1986 Roy Duncan, consiliee de l'Isola e storich, el descovriss de 'sta situazion verta, e l'Ambassator di Paes Bass a Londra Rein Huydecoper l'ha confermaa che 'l conflitt a l'era in teoria anmò vert, e donca a l'è staa invitaa in su l'isola per firmà on simbolich trattaa de pas.