HP-41C

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

HP-41C a l'è 'na série de calcolatris programmabij a notazion polacca inversa, espandibij, venduda de la HP dal 1979 al 1990, i primm del gener con display alfanumerich.

Caratteristich

El schermo alfanumerich a l'éra la pussee granda revoluzion del sistema, che 'l permetteva de scriv i error a video e anca de dà di indicazion a l'utent in sui dacc de mettegh e che 'l rendeva pussee fazil el programmà, vist che i programma eren scrivuu a video 'me comand mnemonich e no 'me numer.

Variant

Quand che i utent han scominciaa a impienì tucc i quater port de espansion la HP l'ha faa el Quad Memory Module che 'l dava el massim de memoria cont on residov de 3 port disponibilj.

La version HP-41CV la integrava 'sto modul in su la scheda mader, cont quater slot a disposizion per l'utent e 'l massim de la memoria, cont la possibilità de doperà di moduj de espansion de la memoria de massa.

La version finala, venduda dal 1983 al 1990, a l'éra la HP-41CX cont el massim de la memoria, pussee fonzion e 'n modul temporal.

Programmazion

Per savenn pussee, varda l'articol FOCAL.

I HP-41C supportaven la programmazion a botton, dònca a l'éra impostada cont la pression di specìfich botton cont i comand, che se podeven salvà in sui cartolinn per permettegh de fà di operazion repetitiv.

La supportava l'indirezion, donca a l'è ona macchina de Turing universala.

Esempi

On esempi de software che 'l calcola el fattorial de on numer. El massim permess a l'è 69!, degià che 70! el gh'ha de besogn de on esponent tropp volt.

Step  Op-code      Comment

01    LBL'Fac      ALPHA label makes program callable by 'XEQ Fac'
02    STO 00       Store X=parameter in register 0
03    1            Enter 1 in X, "lifting" the stack; Y=parameter (no longer used)
                                                      X=1
04    LBL 00       Label for goto
05    RCL 00       Recall register 0 into X, lifting stack; Z=parameter (no longer used)
                                                            Y=1 or interim or final factorial
                                                            X=parameter or N-I decrement
06    *            Multiply X and Y, "dropping" the stack; Y=parameter (no longer used)
                                                           X=interim or final factorial
07    DSE 00       Decrement register 0 and skip next command when equal to 0
08    GTO 00       Go to label 0
09    END          End program - result displayed in X

Ricezion

In del dicember 1980 la rivista BYTE l'ha definii la calcolatris "la macchina pussee versatil de semper" e l'ha lodaa la documentazion de la HP, retegnuda superior a la concorrenta TI-59. In la sortida dòpo, grazia al sò vèss alfanumerica, l'han definida arenta a la linia de division in tra calcolatris e computer.

A l'è però stada despess criticada per la mancanza di cifer de guardia e dònca de la bassa resoluzion di resultaa.

Us in del spazzi

La HP-41C l'ha volaa in di primm mission del Space Shuttle per i cunt de bass nivell de fà in su la navetta e, in emergenza, cont di software che sostituiven el computer principàl.

Quèlla che l'ha volaa in di primm noeuv mission l'è esposta al Smithsonian Air and Space Museum.