Quarta Croxada

(Rimandad de IV croxada)
Lombard Quell articol qì l'è scrivud in Lombard, cond l'ortografia Scriver Lombard.

La Quarta Croxada l'è staita una spedizion militara, partida da Venezia ind el 1202.

Assede de Costantinopel
Itinerare e conquiste territoriai

L'obietiv l'eva la reconquista dei Lœg Sants, perdids con la borlada de Jerusalem; inscambe, despò de una serie de faits miga prevests (e sota influenza veneziana), l'è staita conquistada Costantinopel e cread un Imper Latin a'l post de qell Bizantin.

Del so desligament, in sui territore miga ciapads dei latin, i è nassids tri stats qe i n'ha ciamad l'ereditaa: l'Imper de Nicea, de Trebisonda e ol Despotad d'Epir. De l'oltra banda, la republega de Venezia l'ha ciapad tants territore e bas comerçai ind el mar Ejee, qe i ge darà la supremazia ind la rejon fina a'l rivar dei Otoman.

RiferimentsModifega