Lombard Quest articol chì l'è scrivud in lombard, con la Noeuva Ortografia Lombarda

I mè amis Tigher e Pooh (in lengua inglesa: My Friends Tigger & Pooh, in lengua italiana: I miei amici Tigro e Pooh) a l’è ona serie televisiva animada realizada de la Walt Disney Television Animation coi personagg de Winnie the Pooh dissegnad de l’A. A. Milne. Ambientada in del Bosch di Cent Acri, la cunta su i aventure di superdetettiv (la Darby, el Tigro, el Pooh ed el Buster) adree a risolver diversi problema o misteri.

La protagonista a l’è la Darby, ona fiolina de 6 ann che la stà de cà in del Bosch di 100 Acri insema al sò can Buster e i so amis el Tigro e ‘l Pooh. 'Sti 3 chì quand che scolten la sirena special di superdetettiv, i meten su la montura e la maschera de Super Detective che troeuven in d’on alber chiamad "Albero del cambi". Anca la Darby la met su el sò capell. Inanz de la risoluzzion del misteri 1 di 3 collega, la varda la bandera troeuva-indizzi cont el canocial magich per insegnà el loeugh 'dove che gh’è de risolver el misteri e, de poeu d'havé miss su i monopaten, i Super Detettiv i parten tucc insema per risolver el misteri. Di serie compagne a inn stade (titoi in lengua italiana) Le nuove avventure di Winnie the Pooh (1988-1991) e Il libro di Pooh (2001-2003) o ben "I noeuve aventure del Winnie the Pooh" e "El liber di Pooh". La sigla a l’è ona musega metà pop e metà Roch&Blus in original cantada in lengua inglesa de la Kay Hanley (stagion 1) e de la Chloë Grace Moretz (stagion 2), inveci in italian de la Lorena Brancucci (stagion 1) e de la Giulia Luzi (stagion 2). L’è stada scrivuda de l'Andy Sturmer.

Personagg principai Modifega

  • Winnie the Pooh: a l'è el protagonista de la serie a l'è on orset di pelosc lecard de mel. Vos del Marco Bresciani.
  • Tigro: a l'è el prim amis del Winnie the Pooh, l’è ona tigher che la salta. Vos del Luca Biagini.
  • Darby: a l’è ona fiolina de 6 ann che la se slontana mai dal sò can Buster. A l’è al coo de la cotaria. La gh’ha la front vioeula, di cavei color naranz e i oeugg bloeu. La ghe parla despess ai spetador. Vos de l’Angelica Bolognesi e cant de la Giulia Luzi.
  • Buster: A l’è el can de la Darby. El gh’ha adoss on collar ross e on'eticheta dora. Despess el lecà in d’ona manera tal che i spetador i veden nagot.
  • Pimpi: a l'è el co-protagonista de la serie a l’è on porscellin a bande, amis anca lù del Winnie the Pooh. Vos del Luca Dal Fabbro.
  • Ro: a l'è el fiolin de canguro, fioeul de la Kanga. Vos de l’Alex Polidori
  • Effy: a l'è on "efelantin", amis del Ro. Vos del Manuel Meli.
  • Ih-Oh: a l'è un asen, amis di protagonista. Vos del Paolo Buglioni.
  • Tappo: a l'è un savi conilli sgiald, proprietari del camp de verdure e amis di protagonista. Vos del Valerio Ruggeri e cant del Mino Caprio.
  • Porcospina: a l'è ona risporscella coi ogiai verd.
  • Kanga: a l'è on canguro femina, mama del Ro. Vos de l’Aurora Cancian.
  • Castoro: a l'è un castor marron.
  • Tartarugo: a inn i amis di Superdetettiv.
  • Piccola: a l'è ona bissa scudellera piscinina vioeula amisa del Tartarugo.
  • Scoiattoli: a inn do curete berichine che cerchen di giande.
  • Kessie: a l'è on’usellina parlanta, amisa di protagonista.
  • Christopher Robin:a l'l on fiolin, amis di protagonista. In questa serie chì el ven squas mai a voltra e la Darby, soa cara amisa, la fa la soa part.