Apri il menu principale
Quell articol qì l'è scrivud in Lombard, ortografia SL.

In qimega, l'idrofobia l'è la propietà fisega de una molecola (qe sa ga dix idrofobega o lipofilega) qe la mostra repulsion invers l'aiva; a dirla tœta, besognaress dir qe g'è miga una forza de repulsion ciara e neta, ma, una assenza de atrazion totala. Al contrare, le sostanze idrofilege le se trœva ben ind l'aiva.

Le molecole idrofobege le g'ha la tendenza a vesser miga polar e, donca, le preferess le molecole miga polare, e i solvents miga polar. Come qe le molecole de aiva i è polare, le sostanze idrofobege le se dissolv miga ben ben denter l'aiva. Le molecole idrofobe quand qe le se met denter ind l'aiva le se tœl ça insema a formar micelle. L'aiva sora le superfis idrofobe la forma un angol de contat.

Exempe de molecole idrofobe i è i alcan, i oi, i lipids, e in jeneral le sostanze incé diite "grasse". I materiai idrofob i se dopera per parar vià l'oi de l'aiva, e anca per i process de separazion qimega, indov qe se vœl tirar fœra de una matrix le sostanze miga polare.

Anca se de solit se dopera 'me sinonem le parole idrofobeg e lipofileg, çoè literalment "qe el ge vœl ben ai lipids", boa dir qe le do parole i è miga prope sinonim: anca se de solit le sostanze idrofobe i è lipofilege, qest qé l'è miga semper vera, 'me ind el cas dei silicon e dei fluorocarbon.