Inzì

Chest artícol a l'è scricc in Lumbàrt, ortograféa orientàl unificàda.

Inzì, (en Italià: Inzino) l'è 'na frasiù del cümü de Gardù, en Val Trompia, pruvìncia de Brèsa. L'è streersàda de la Mèla e 'n mès al paés vècc gh'è amò 'n put a schéna de àzen de ùrìgin romàna.

L'ìa séde de giöna de le quàter piéf antìche de la Val Trompia (le ótre i éra Böegn, Lemezàne e Consés). Endèi docümèncc antìch l'è atestàda come "Plebs Sancti Georgii de Incino" e la aministràa en teretóre che de Prègn el riàa 'nfìna a Brós, e che 'l tülìa dét apò a le valète laterài de Ludrì, Gómbio e Lemezàne; la gh'ìa entràde sò custìtüìde de foncc rürài, cèns, décime e prestasiù. Ai tép de le piéf Inzì l'ìa 'n cèntro de prìma 'mportànsa per la média àl, en bèl tòch piö 'mportànta del sò capolöch del dé d'encö, Gardù, che a chèi tép là l'ìa 'na capelanìa endóche, per concesiù de l'auturità pievàna, en prét nàa a dì mèsa ai dé de fèsta e l'aministràa i sacramèncc.