Isepp Barca
L'Isepp Barca (1595 - 1 de marz 1639) a l'è staa 'n ingegnee e militar milanes, al servizzi del Ducaa de Milan spagnoeu.
Biografia Modifega
Nassuu se cred in del 1595, a l'era on soldaa de alto grad per el Ducaa spagnoeu: In del 1636 a l'è mandaa in la Republega de Lucca de Milan 'me Loeughtenent General de Artilieria per consilià i toscan in sui sò mura. In del 1634 a l'è firmatari di Ordines et statuta del Collegi di Ingegnee del Ducaa.
A l'è staa anca professor de matematega a l'Accademia Palatina milanesa, indova che l'era espert de fortifegazion e l'ha introdott i tavol logaritmegh neperian in di territori italian. On sò trattaa, publegaa dopo de la soa mort del nevod Peder Antoni, anca luu ingegnee, el gh'ha avuu assee success e gh'è staa besogn de restampàll. Se cred che l'abia lavoraa anca in su la Gesa de San Roman, arenta a la Gesa de San Babila, ma gh'è di dubbi perchè forsi a l'è 'na confusion cont el nevod.
El 23 de giugn 1638 a l'è ferii a 'na gamba in l'Assedi de Vercej e 'l moeur el 1 de marz del 1639.
Bibliografia Modifega
- Dissertazioni Sullo Stato Dell'Architettura, Pittura, E Arti ecc, Volume 8, 1822, Tommaso Trenta