Isolament eletrigh
|
Quest articol chì l'è scrivud in lombard, con la Noeuva Ortografia Lombarda |
L'isolament eletrigh, ciamad anca isolament galvanegh, a l'è la situazzion indova che tra du pont a diferent potenzial eletrigh a gh'è nissuna possibilità per fà circolà corrent diretament, o ben indova che la gh'è, idealment, una resistenza eletriga infinida: a bon cunt a gh'è no una resistenza inscì in realtà, vist che anca l'aria la po s'cepà el so isolament cont una corrent assee volta, ma se ritegn assee una resistenza propi volta, compagna de 100 megaohm.
A l'è, comunque, possibel spostà energia in tra do element isolad galvanegament grazzia a di alter fenomen fisegh, compagn de la capacitanza e de l'induzzion eletromagnetega. A l'è doperada soratut quand che di circuit gh'hann de scambiàss energia, ma la soa terra l'è a 'n potenzial diferent, e l'è anca doperabel 'me forma de sigurezza, inscì de evità che vun el ciapa la scossa.